साँकेतिक तस्बिर
गाेरखा । तनुहुँकाे मार्की चाेकमा हिजाे भारतीय कारले ठक्कर दिएकाे २ जना बालबालिकाकाे उपचारकाे क्रममा मृत्यु भएकाे छ ।
पृथ्वीराजमार्गअन्तर्गत तनहुँको आँबुखैरेनी गाउँपालिका–२ मार्कीचोकमा हिजाे भारतीय कारको ठक्करकाे २ जना बालबालिकाको उपचारकाे क्रममा मृत्यु भएको तनहुँ प्रहरीले पुष्टी गरेकाे हाे ।
कारकाे ठक्कर बाट आँबुखैरेनी गाउँपालिका–२ निवासी ६ वर्षीया सायना थापा र ५ वर्षीय उलियम थापाको मृत्यु हाे ।
शुक्रबार अपराह्न विद्यालयबाट घर फर्किरहेका उनीहरूलाई कारले ठक्कर दिएको थियाे । गम्भीर घाइते भएका उनीहरुको उपचारका क्रममा चितवनमा आज बिहान मृत्यु भएको प्रहरीले जानकारी दिएकाे छ ।
कार र कारकाे चालकलाई प्रहरीले नियन्त्रणमा लिएर अनुसन्धान सुरु गरेकाे जनाएकाे छ ।