गाेरखा । बैतडीको दशरथचन्द नगरपालिका–४ साईलेकस्थित दशरथचन्द राजमार्गमा हिजाे साँझ यात्रुवाहक बस दुर्घटना हुदा १ जनाले ज्यान गुमाएको छ । साेही दुर्घटनामा परी अन्य ११ जना घाईते भएका छन् ।
दुर्घनामा दशरथचन्द नगरपालिका–६ बस्ने ३५ वर्षिय बिरेन्द्र बहादुर चन्दको घटनास्थलमा नै ज्यान गएको बैतडी प्रहरीले पुष्टी गरेकाे हो ।
धनगढीबाट बैतडीतर्फ जादै गरेको सु.प.प्र.०१–००१ ख ३६४६ नम्बरको यात्रुवाहक बस नियन्त्रिण गुमाउदा सडकबाट ३० मिटर तल खसेको सशस्त्र प्रहरी बल नेपालका सशस्त्र प्रहरी नायब उपरिक्षक एवं सहप्रबक्ता शैलेन्द्र थापाले जानकारी दिए ।
उक्त बसमा चालकसहित १२ जना सवार रहेका थिए । दुर्घटना लगत्तै सशस्त्र प्रहरी बल नेपाल नं. ५१ गुल्म बैतडीबाट सशस्त्र प्रहरी नायव उपरीक्षक जंग बहादुर कुँवरको कमाण्डमा तथा अस्थायी मनसुन प्रतिकार्य वेश छेला बैतडीको साथै नेपाली सेना र नेपाल प्रहरीको संयुक्त टोली उद्धारमा खटिएको थियो ।
दुर्घटनामा परी ६ जना महिला र ५ जना पुरुष घाईते भएका छन् । घाईते भएकाहरुमध्ये ५ जनाको अवस्था भने गम्भिर रहेको छ । घाईते भएकाहरुलाई उद्धार पश्चात उपचारको लागि जिल्ला अस्पताल बैतडीतर्फ पठाईएको छ ।
गाडीका चालक केशवसिंह महरालाई प्रहरीले नियन्त्रणमा लिएको 
छ ।