गाेरखा । सशस्त्र प्रहरी बलले सर्लाहीको मलंगवाबाट ठूलाे मात्रामा अवैध फर्सीकाे बिउ बरामद गरेकाे छ । हिजाे दिउसाे मलंगवा नगरपालिका–२ कृष्णमन्दिरस्थित सेल्स सप्लायर्सबाट ७५ बोरा फर्सीको वीउ बरामद गरेको हाे ।
नविन कुमार यादवको दिनकर सेल्स सप्लायर्समा अबैध रुपमा भन्डारण गरी राखिएको फर्सीेको वीउ सशस्त्र प्रहरी बल, नेपाल नं. १० गण सर्लाही, सीमा सुरक्षा गुल्म मलंगवा, बोर्डर आउट पोष्ट खुटौना, नेपाल प्रहरी र जिल्ला प्रशासन कार्यालयको संयुक्त टोलीले बरामद गरेको सशस्त्र प्रहरी बल नेपालका सहप्रबक्ता शैलेन्द्र थापाले जानकारी दिए ।
सशस्त्र प्रहरी बल, नेपाल नं. २ छिन्नमस्ता बाहिनी मुख्यालय महोत्तरीको विशेष सूचनाको आधारमा सशस्त्र प्रहरी बल, नेपाल नं. १० सर्लाहीको टोलीले जेठ ३ गते राती नै सप्लायर्समा छापा हानेको थियो ।
उक्त सप्लायर्सबाट वीउ बरामद गर्ने क्रममा केही स्थानीयहरु भेला भई ढुंगामुढा गरेका थिए भने सशस्त्र प्रहरीले स्थितलाई नियन्त्रणको लागि १ वटा ग्यास सेल फायर गर्नु परेकाे सहप्रबक्ता थापाले जानकारी दिए ।
ढुंगा प्रहार बाट गणको ट्रकमा सामान्य क्षति भएको छ । बरामद वीउ सर्लाही भन्सार कार्यालय मलंगवामा बुझाईएको पनि सहप्रबक्ता थापाले जानकारी दिए ।