गाेरखा । पूर्वी नवलपरासी जिल्लाको गैडाकोट नगरपालिका–२ स्थित नारायणी नदिमा आज हाम फालेका १ जना बृद्धको सशस्त्र प्रहरीले सकुशल उद्धार गरेको छ ।
जिल्लाको देवचुली नगरपालिका–११ धारापानी बस्ने ६२ वर्षिय झनक प्रसाद पौडेल बिहीबार बिहान नदिमा हाम फालेका थिए ।
लगत्तै सशस्त्र प्रहरी बल नेपाल नं. ३१ गुल्म पूर्वी नवलपरासीबाट खटिएको टोलीले उनलाई मोटर बोटको सहयोगमा सकुशल उद्धार गरेको सशस्त्र प्रहरी बल नेपालका सशस्त्र प्रहरी नायब उपरिक्षक एव सह प्रबक्ता शैलेन्द्र थापाले जानकारी दिए ।
उद्धार पश्चात उनलाई उपचारको लागि भरतपुर अस्पतालतर्फ पठाएको छ । उनको अवस्था भने सामान्य रहेको छ ।
त्यसैगरी, सिन्धुपाल्चोक जिल्लाको भोटेकोशी गाउँपालिका–२ लार्चास्थित भोटेकोशी नदिको बीच भागमा अड्कीएका १ जनाको पनि आज सशस्त्र प्रहरीले सकुशल उद्धार गरेको छ ।
सोही गाउँपालिका–१ लिस्ती बस्ने २३ बर्षिय संजिव बिकलाई उक्त नदिले बगाएको भन्ने खबर पाउनासाथ सशस्त्र प्रहरी बल नेपाल बोडर आउट पोष्ट तातोपानीबाट खटिएको टोलीले उनलाई नदिको बिच भागमा रहेको ढुङ्गामा अड्कीएको अवस्थामा उद्धार गरेको सह प्रबक्ता थापाले बताए ।
उद्धार पश्चात उनलाई उपचारको लागी धुलिखेल अस्पताल पठाईएको छ ।