गाेरखा । नवलपुरकाे पूर्व–पश्चिम राजमार्गअन्तर्गत प्रगतिनगरमा हिजाे राती भएकाे दुर्घटनामा परी १ जनाकाे ज्यान गएकाे छ भने अर्का १ जना गंभिर घाईते भएका छन् ।
जिल्लाकाे देवचुली नगरपालिका–१४ प्रगतिनगरमा मोटरसाइकल ट्रकमा ठोक्किँदा मध्यविन्दु नगरपालिका–१ का ५१ वर्षीय ओमनारायण गुरौको ज्यान गएको कावासाेती प्रहरीले पुष्टी गरेकाे छ ।
गएराति कावासोतीबाट नारायणगढतर्फ गइरहेको ना ५ ख १७५७ नम्बरको ट्रकमा ग १० प २२८७ नम्बरको मोटरसाइकल ठोक्किँदा मोटरसाइकलमा सवार गुराैकाे ज्यान गएकाे हाे ।
दुर्घटनामा मोटरसाइकल चालक भारतीय नागरिक २६ वर्षीय विशालकुमार श्रीवास्तव गम्भीर घाइते भएका छन् । उनको चितवनस्थित पुरानो मेडिकल कलेजमा उपचार भइरहेको छ ।
प्रहरीले ट्रक र त्यसका चालकलाई प्रहरीले नियन्त्रणमा लिएर अनुसन्धान थालेको जनाएकाे छ ।