गाेरखा । आज देशका अधिकांश स्थानको मौसममा सामान्यतया बदली रहने छ । जल तथा मौसम विज्ञान विभाग, मौसम पूर्वानुमान महाशाखाका अनुसार आज दिउँसो देशको हिमाली र पहाडी भागमा साधारणतया बादल लाग्नेछ भने तराईमा आंशिक बादल लाग्नेछ ।
यसैगरी देशको हिमाली र पहाडी भागका केही स्थान तथा लुम्बिनी र सुदुरपश्चिम प्रदेशका तराईका केही स्थानमा मेघगर्जन-चट्याङ्गसहित मध्यमसम्मको वर्षाको सम्भावना रहेको महाशाखाले जनाएकाे छ । मधेश, कोशी, बागमती र गण्डकी प्रदेशका तराई क्षेत्रमा गर्मी बढ्ने अनुरमान गरीएकाे छ ।
आज राति देशको हिमाली तगा पहाडी भागमा आंशिक बादल लाग्ने र तराईमा मुख्यतया सफा रहने महाशाखाले जनाएको छ ।
आजै राती कोशी प्रदेशको हिमाली र पहाडी भागलगायत बागमती, गण्डकी र कर्णाली प्रदेशको हिमाली भागका केही स्थानमा हल्का वर्षा-हिमपातको सम्भावना रहेको छ ।