गाेरखा । श्रम, रोजगार तथा सामाजिक सुरक्षा मन्त्री रामजी यादवको सचिवालयमा कार्यरत मुस्तकिम मियाँ गम्भीर अपराध सम्बन्धी कसुरमा पक्राउ परेका छन् ।
सप्तरीको महादेवा गाउँपालिका वडा नम्बर–१ बल्थी घर भई हाल राजविराज नगरपालिका–३ पाख्रेल टोल बस्ने २७ वर्षीय मुस्तकिम मियाँ अपहरण तथा शरीर बन्धक सम्बन्धी कसुरमा पक्राउ परेका हुन् । उनलाई सोमबार राजविराजबाट पक्राउ प्रहरीले जनाएकाे छ ।
मियाँ सहितको समूह मिलेर २०८२ फागुन १४ मा राजु कुमार चौधरीलाई अपहरण गरेर लुटपाट गरेको आरोप छ । त्यस दिन बिहान ८ बजेको समयमा राजविराज नगरपालिका–३ हनुमान चोकमा मुस्तकिम मियाँ बा.९९ प ५७७५ नम्बरको मोटरसाइकलमा थप ३ जना लिएर अपहरण गर्न गएका हुन् ।
२ वटा मोटरसाइकलमा आएका मियाँको समूहका युवाहरूले बन्दुक देखाएर आफूलाई कब्जामा लिएर राजविराज नगरपालिका–८ स्थित हिमालय राईस मिलको पछाडि पर्वत भन्ने स्थानको सुनसान खाली चौरमा लगेर बन्धक बनाई कुटपिट गरेको पीडितको आरोप छ ।