गाेरखा । आज बिहान टर्कीको इस्तानबुलबाट आएको टिके ७२६ नम्बरको टर्किस एयरलाइन्सको विमान त्रिभुवन अन्तराष्ट्रिय विमानस्थलमा अवतरण गर्ने क्रममा आगो लागेको छ ।
विमानस्थल सुरक्षा कार्यालयका प्रहरी उपरीक्षक राजकुमार सिलवालका अनुसार विमान अवतरण गर्ने क्रममा विमानको टायरमा आगो लागेको हो ।
टायरमा आगो लागेको आगाे दमकलको सहायतामा निभाइएको छ । अहिले अवस्था सामान्य रहेकाे भएता पनि जाँचका लागि केही समय रनवे बन्द गरिएको छ ।
विमानमा २७३ यात्रु र ११ जना ‘क्रू मेम्बर’ थिए । सबै यात्रुहरुलाई सकुशल बाहिर निकालिएको छ । बिमानकाे अहिले प्राविधिक जाँच भइरहेको छ ।
