गाेरखा । नारायणगढ–बुटवल सडक खण्ड अन्तर्गत पूर्वी खण्डको दाउन्ने सडकमा एकतर्फी ढलानको काम सकिएको छ । आयोजनाको पूर्वी खण्डकाे दाउन्नेमा एकतर्फी ढलानको काम सकिएको हो ।
पूर्वी खण्ड दाउन्नेमा झण्डै ४ किलोमिटर पर्नेमा एकतर्फी रूपमा ढलानको काम सकिएको सूचना अधिकारी शिव खनालले बताए ।
उनका अनुसार एकतर्फी ढलानको काम सकिएको हुँदा अबको २ हप्तापछि त्यस क्षेत्रमा पक्की सडकबाटै गाडी चल्नेछन् । दाउन्नेमा ढलानको काम नसकिँदा सामान्य पानी पर्दा पनि गाडी चिप्लने र जामको समस्या हुदै आएकाे थियाे ।
दाउन्नेमा एकतर्फी ढलानको काम सकिएसँगै नारायणगढ–बुटवल सडक आयोजना अन्तर्गत पूर्वी खण्डको पुरै भाग ६५ किलोमिटर सडक कालोपत्रे र ढलानले जोडिएको छ । दाउन्नेको पूर्वी खण्ड पक्की सडकले जोडिए पनि पश्चिम खण्डमा भने अझै पूर्ण रूपमा ढलानको काम सकिएको छैन ।