गाेरखा । कपिलवस्तुमा पार्किङ गरेर राखेकाे ट्रकमा स्कार्पियो ठोक्किँदा २ जनाको ज्यान गएको छ भने ३ जना घाइते भएका छन् । हुलाकी सडक खण्डअन्तर्गतमा गएराति भएको सवारी दुर्घटनामा २ जनाकाे ज्यान गएकाे र ३ जना घाईते भएकाे कपिलबस्तु प्रहरीले जनाएकाे हो ।
कपिलवस्तु नगरपालिका–१२ पिप्ररहवामा रोकिराखिएको ट्रकमा भारतीय नम्बरको यूपी ३२ सीए ८३४३ स्कार्पियो ठोक्किँदा दुर्घटना भएको प्रहरीले जनाएको छ ।
बहादुरगञ्जबाट तौलिहवातर्फ आउँदै गरेको उक्त स्कार्पियो साइडमा रोकिएको लु १ ख ९५४९ नम्बरको ट्रकमा ठोक्किँदा कपिलवस्तु नगरपालिका–११ का ५० वर्षीय राधेश्याम कुर्मी र शिवराज नगरपालिका–६ की ५५ वर्षीया चिन्नी कुर्मीको ज्यान गएकाे जिल्ला प्रहरी कार्यालय कपिलवस्तुले जनाएको छ ।
दुर्घटनामा महाराजगन्ज नगरपालिका–११ का ६५ वर्षीय नन्दप्रसाद दुबे, शिवराज नगरपालिका–१० का २८ वर्षीय मोतीलाल कुर्मी र शिवराज नगरपालिका–११ का २० वर्षीय सुरेश कुर्मी घाइते भएका छन् । उनीहरूको स्थानीय अस्पतालमा उपचार भइरहेको छ ।
प्रहरीका अनुसार स्कार्पियो अनियन्त्रित भई पार्किङ गरिएको ट्रकमा ठोक्किँदा दुर्घटना भएको हो । घटनाबारे थप अनुसन्धान भइरहेको प्रहरीले जनाएको छ ।