गाेरखा । पश्चिमी र स्थानीय वायुको आंशिक प्रभावले कोशी, बागमती र गण्डकी प्रदेशका हिमाली र पहाडी भागलगायत बाँकी हिमाली भागमा साधरणतया बादल लाग्ने मौसम पूर्वानुमान महाशाखाले जनाएको छ ।
आज दिउँसो देशका हिमाली भागमा साधरणतया बादल लाग्ने, पहाडी भाग आंशिक बादल लाग्ने र तराई भूभागमा मौसम मुख्यतया सफा रहनेछ ।
कोशी, गण्डकी र कर्णाली प्रदेशका हिमाली भागका केही स्थानमा चट्याङ्गसहित मध्यमसम्मको वर्षा र हिमपातको सम्भावना रहेको पनि महाशाखाले जनाएकाे छ ।
मधेस प्रदेश लगायत कोशी, बागमती, गण्डकी, लुम्बिनी र सुदूरपश्चिम प्रदेशका तराई साथै उपत्यका र खोँचहरूमा गर्मी हुने सम्भावना रहेको छ । लुम्बिनी र सुदूरपश्चिम प्रदेशका तराई क्षेत्रमा तातो लहरको पनि सम्भावना देखिएकाे महाशाखाले जनाएकाे छ ।
आज राति कोशी प्रदेशको हिमाली र पहाडी भागलगायत बागमती, गण्डकी र कर्णाली प्रदेशका हिमाली भागमा आंशिक बादल लाग्नेछ । कोशी प्रदेशको पहाडी र हिमाली भागका केही स्थानमा हल्का वर्षा र हिमपातको सम्भावना रहेको महाशाखाले जनाएको छ ।
