गाेरखा । जलेश्वर बर्दिबास सडकखण्डको बथनाहा गाउँमा आज २ वटा मोटरसाइकल एकापसमा ठोक्किएर ३ जना विद्यार्थीको घटना स्थलमा नै ज्यान गएकाे छ । उनीहरुकाे जलेर ज्यान गएको जलेश्वर प्रहरीले पुष्टी गरेकाे हाे ।
सो घटनामा थप ३ जना गम्भीर घाइते भएका छन् । उनीहरुको सदरमुकाम जलेश्वरस्थित प्रादेशिक अस्पतालमा उपचार भइरहेको प्रहरीले जनाएकाे छ ।
प्रहरीले हालसम्म मृतक तथा घाइतेमध्ये कसैको नाम, थर, वतन खुलाउन सकेकाे छैन । दुर्घटना भएकाे मोटरसाइकल पनि पूर्ण रुपमा जलेर नष्ट भएकाे छ ।
बिहान विपरीत दिशाबाट आएका ती मोटरसाइकल जलेश्वर बर्दिबास सडकखण्डको एकडारा गाउँपालिका–५ स्थित बथनाहा गाउँमा एकापसमा ठोक्किएकाे थियाे ।
ठोक्किएर दुवै मोटरसाइकलमा आगलागी हुँदा ३ जना विद्यार्थीको घटनास्थलमै ज्यान गएको प्रहरीले जनाएको छ ।
दुर्घटनामा घाईते भएकाे ३ जनामध्ये २ जनाको अवस्था गम्भीर रहेको प्रहरीले जनाएको छ ।