गाेरखा । नेपालमा हाल पश्चिमी न्यून चापीय प्रणाली र स्थानीय वायुको प्रभाव रहेको मौसम पूर्वानुमान महाशाखाले जनाएको छ । जसका कारण हाल गण्डकी, कर्णाली र सुदूरपश्चिम प्रदेश लगायत देशको पहाडी तथा हिमाली भागमा साधरणतया बादल लागेको छ भने बाँकी भागमा आंशिक बादल लागेको छ ।
आज दिउँसो देशको हिमाली र पहाडी भागमा साधरणतया बादल लाग्ने तथा बाँकी भागमा आंशिक बादल लाग्नेछ । देशका पहाडी तथा हिमाली भागका केही स्थानहरूमा तथा कोशी प्रदेशको तराई क्षेत्रमा चट्याङ्गसहित मध्यम वर्षा र हिमपातको सम्भावना रहेको महाशाखाले जनाएकाे छ ।
आज राति गण्डकी, लुम्बिनी, कर्णाली र सुदूरपश्चिम प्रदेशलगायत बागमती र कोशी प्रदेशको हिमाली भागमा साधरणतया बादल लाग्नेछ भने बाँकी पहाडी र तराई भागमा आंशिक बादल लाग्नेछ ।
लुम्बिनी, कर्णाली र सुदूरपश्चिम प्रदेशलगायत गण्डकी प्रदेशको पहाडी र हिमाली भागको केही स्थानहरू तथा बागमती र कोशी प्रदेशको हिमाली भागका केही स्थानमा चट्याङ्गसहित मध्यम वर्षा र हिमपातको सम्भावना रहेको महाशाखाले जनाएकाे छ ।