गाेरखा । हावाहुरी पछी पाेखराकाे फेला तालमा फसेका ११ जनाकाे सशस्त्र प्रहरीले शकुसल उद्धार गरेको छ ।
तालको बीच भागमा अलपत्र परेका ११ जनाको आइतबार दिउँसो ४:१५ बजे सशस्त्र प्रहरीले सकुशल उद्धार गरेको सशस्त्र प्रहरी बल नेपालका सशस्त्र प्रहरी नायव उपरिक्षक एवं सहप्रवक्ता शैलेन्द्र थापाले बताए ।
उनका अनुसार अचानक आएको हावाहुरीको कारण स्ट्यान्डिङ प्याडल बोटमा बोटिङ् गरिरहेका उनीहरु तालको बीच भागमा फसेका थिए ।
तत्कालै सशस्त्र प्रहरी बल नेपाल नं. २४ कालिका गण कास्कीबाट फेवा रेस्क्यु टावरमा खटिएको सशस्त्र प्रहरी सहायक निरीक्षक बिशाल घ.म.को कमाण्डको टोलीले उनीहरुको सकुशल उद्धार गरेको थापाले जानकारी दिए ।
उद्धार गरिएकाहरुमा तनहु जिल्लाको शुक्लागण्डकी नगरपालिका–२ बस्ने १९ वर्षिय सागर भुजेल, २० वर्षिय सुमन चौधरी, पोखरा महानगरपालिका–३३ बागमारा बस्ने २१ वर्षिया सलिना पुन, म्याग्दी जिल्लाको अन्नपूर्ण–३ बाग्लुङ बस्ने २१ वर्षिया सन्जिता पुन, २० वर्षिया सुमिना तामाङ, २२ वर्षिया सुष्मा पुन, २० वर्षिया संजिता मगर, १९ वर्षिया रिया मगर, भारतको नयाँ दिल्ली घर बताउने २८ वर्षिय आयान, २८ वर्षिय अश्लाम र २६ वर्षिय स्याडब रहेकाे पनि उनले जानकारी दिए ।