गाेरखा । प्युठानको ऐरावती गाउँपालिका–१ छेडाघाटमा गएराती आगलागी भएको छ । स्थानीय लक्ष्मण रानाको फुसले छाएको कच्ची गोठबाट शुरु भएको आगो बस्तीमा फैलिएको जिल्ला प्रहरी कार्यालय प्युठानले पुष्टी गरेकाे हाे ।
गएराति ११:४५ बजे शुरु भएको आगो नेपाली सेना, सशस्त्र प्रहरी, जिल्ला प्रहरीको टोली र स्थानीयबासिन्दाको सहयोगमा आइतबार बिहान ७ बजे मात्रै नियन्त्रमा लिएको प्रहरीले जनाएकाे छ ।
प्रहरीका अनुसार आगलागीबाट बस्तीमा रहेका १३ घरगोठ जलेर पूर्ण रुपमा नष्ट भएका छन् ।
आगलागीबाट झन्डै १ करोड बराबरको क्षतिको प्रारम्भिक अनुमान गरिएकाे छ । क्षतिको पूर्ण विवरण संकलन भइरहेको प्रहरीले जनाएको छ ।