गाेरखा। हाल नेपालमा पश्चिमी न्यून चापीय प्रणाली र स्थानीय वायुको प्रभाव रहेको मौसम पूर्वानुमान महाशाखाले जनाएको छ । जसको प्रभावले हाल देशभर साधरणतया बादल लागेको छ ।
आज दिउँसो देशको हिमाली र पहाडी भागमा साधरणतया बादल लाग्नेछ भने बाँकी भागमा आंशिक बादल लाग्नेछ । देशका पहाडी तथा हिमाली भागका केही स्थानहरूमा चट्याङ्ग, असिना तथा हावाहुरीसहित मध्यम वर्षा र हिमपात हुने महाशाखाले जनाएकाे छ ।
लुम्बिनी र सुदूरपश्चिम प्रदेशका तराई भागका थोरै स्थानहरूमा तथा बाँकी तराई भागका केही चट्याङ्गसहित हल्का वर्षा र हिमपातको सम्भावना रहेको छ । मधेस र कोशी, बागमती र गण्डकी प्रदेशका तराई भागका केही स्थानहरूमा हावाहुरीको समेत सम्भावना रहेको छ ।
आज राति देशको हिमाली भागमा साधरणतया बादल लाग्नेछ । पहाडी भागमा आंशिक बादल लाग्नेछ भने तराई भागमा मौसम मुख्यतया सफा रहने छ ।