गाेरखा । आज र भाेली पनि देशका विभिन्न भागमा मेघगर्जन, चट्याङ र हावाहुरीसहित मध्यमदेखि भारी वर्षाको सम्भावना रहेको जल तथा मौसम विज्ञान विभागले जनाएको छ ।
विभागका अनुसार हाल नेपालमा पश्चिमी वायु, स्थानीय वायुको आंशिक प्रभावका साथै पूर्वी भाग नजिक रहेको न्यून चापीय क्षेत्रको असर देखिएको छ ।
आज दिउँसो कोशी र मधेश प्रदेशलगायत देशका पहाडी र हिमाली भागमा साधारणतया बादल लाग्न्छ भने तराईमा आंशिक बादल लाग्ने अनुमान गरिएकाे छ ।
कोशी प्रदेश लगायत देशका पहाडी र हिमाली भागका केही स्थानहरू तथा बाँकी भागका केही स्थानमा मेघगर्जन र चट्याङ्ग्र सहित हावाहुरीर र असिना सहित मध्यम वर्षा एवं हिमपातको सम्भावना रहेको छ ।
आज राति भने हिमाली क्षेत्रमा सामान्य बदली, पहाडी क्षेत्रमा आंशिक बदली र तराई क्षेत्रमा मौसम मुख्यतया सफा रहनेछ । कोशी, बागमती, गण्डकी र कर्णाली प्रदेशका हिमाली क्षेत्रका केही स्थानमा हल्का वर्षा तथा हिमपात हुन सक्ने अनुमान विभागले गरेकाे छ ।
त्यसैगरी बुधबार देशभर आंशिकदेखि सामान्य बदली रहनेछ । कोशी, बागमती, गण्डकी, कर्णाली र सुदूरपश्चिम प्रदेशका पहाडी तथा हिमाली क्षेत्रमा मेघगर्जनसहित मध्यम वर्षा तथा हिमपातको सम्भावना रहेको विभागले जनाएको छ । विभागले मेघगर्जन, चट्याङ, हावाहुरी र असिनाबाट सतर्क रहन सर्वसाधारणलाई आग्रह गरेको छ ।
