गाेरखा । स्रोत नखुलेको २० लाख रुपैयाँ भन्दा बढी रकम सहित पर्साबाट १ जनालाई सशस्त्र प्रहरीले नियन्त्रणमा लिएकाे छ ।
आज बिहान पर्साबाट श्रोत नखुलेको २० लाख २ हजार ५० र भारतिय ६०० रुपैयाँ सहित सशस्त्र प्रहरीले ति ब्यत्तीलाई पक्राउ गरेकाे सशस्त्र प्रहरी बल नेपालका सशस्त्र प्रहरी नायब उपरिक्षक एवं सहप्रबक्ता शैलेन्द्र थापाले जानकारी दिए ।
पक्राउ पर्नेमा बिरगंज महानगरपालिका- १७ बस्ने ५० बर्षका बिनय शंकर साह भएकाे सहप्रबक्ता थापाले बताए । उनका अनुसार भारत बाट बिआर ०५ बिके ८६०३ नम्बरको मोटर्साइकलमा आउंदै गरेका उनलाइ सशस्त्र प्रहरी बल नेपाल इन्टेलिजेन्स ब्युरोको सुचनाको आधारमा चेक जाँच गर्ने क्रममा मोटरसाइकलको सिट कभर भित्र प्लास्टिकमा प्याक गरेर ल्याउदै गरेको अवस्थामा स्रोत नखुलेको नगद सहित नियन्त्रणमा लिइएको हो ।
नियन्त्रणमा लिइएका ब्यक्तिलाइ सामान र नगद सहित भन्सार कार्यालय बिरगंजमा बुझाइएको पनि उनले बताए ।
तस्बिर : सशस्त्र प्रहरी बल नेपाल
