गोरखा । धनकुटाको साँगुरीगढी गाउँपालिका–३ का वडाध्यक्ष टेकप्रसाद लिम्बु उपचारको क्रममा निधन भएको छ ।
आन्द्राको क्यान्सरबाट पीडित लिम्बूको भारतको नयाँ दिल्लीस्थित एक अस्पतालमा उपचार भइरहेको थियो ।
साँगुरीगढी गाउँपालिका अध्यक्ष जितेन्द्र राईका अनुसार ५५ वर्षीय लिम्बू लामो समयदेखि क्यान्सर रोगको उपचारमा थिए । २०७९ को स्थानीय तह कांग्रेसबाट निर्वाचनमा निर्वाचित भएका थिए ।
स्वर्गीय लिम्बू सामाजिक तथा राजनीतिक क्षेत्रमा सक्रिय व्यक्तित्वका रूपमा परिचित थिए । स्थानीय तहको विकास, सेवा प्रवाह तथा समुदायका समस्याहरू समाधान गर्न उनी सधैं अग्रसर रहन्थे ।
उनको परिवारका अनुसार अन्त्येष्टिका लागि उनको पार्थिव शरीर जन्मस्थल धनकुटाको खुवाफोकमा ल्याउने तयारी भइरहेको छ ।