गाेरखा । सुनसरीको कोशी गाउँपालिका–४ मा बुधबार जिप र माेटरसाइकल एक आपसमा ठक्करखादा १ जना ज्यान गएको छ ।
ज्यान गुमाउनेमा सप्तरी विष्णुपुर गाउँपालिका–२ का २८ वर्षीय अमरलाल साह रहेको प्रहरी नायव उपरीक्षक चन्द्रबहादुर खड्काले जानकारी दिए ।
पूर्व पश्चिम राजमार्गअन्तर्गत इनरुवाबाट कोशीब्यारेजतर्फ जाँदै गरेको स १ च ९२१ नम्बरको जिपले विपरीत दिशाबाट आउँदै गरेको मधेश प्र.०६–००१ प ०९५२ नम्बरको मोटरसाइकललाई ठक्कर दिँदा चालक साह र पछाडि सवार २६ वर्षीया पुष्पा साह गम्भीर घाइते भएका थिए ।
घाइते भएका अमरलालको उपचारको क्रममा ज्यान गएको प्रहरी नायव उपरीक्षक खड्काले जानकारी दिए अर्का घाइते पुष्पालाई थप उपचारका लागि गोल्डेन अस्पताल विराटनगरमा भर्ना गरिएकाे छ ।
जिप चालक २६ वर्षीय रञ्जित चौधरीलाई प्रहरीले नियन्त्रणमा लिएको छ ।