गाेरखा । पर्साको सखुवाप्रसौनी गाउँपालिका-५ महुवनस्थित गण्डक नहरमा जन्ती बोकेको कार दुर्घटना हुँदा कार चालकको ज्यान गएको छ ।
सोमबार राति ९:३० बजेको समयमा जन्ती जाँदै गरेको कार दुर्घटना हुँदा पहिचान खुल्न नसकेको कार चालकको ज्यान गएको छ भने अर्का १ जना गम्भीर घाइते भएकाे पर्सा प्रहरीले जनाएकाे छ ।
पर्सा प्रहरी प्रमुख एसपी सुदिप राज पाठकका अनुसार बहुदरमाई नगरपालिका-८ रामनगरी टोलका साहेब सहनीको घरबाट सखुवाप्रसौनी गाउँपालिकाको एकडरवा गाउँतर्फ जन्ती लिएर जाँदै गरेको बीआर ०६४५ नम्बरको कार अनियन्त्रित भई पिपलको रुखमा ठोक्किएर गण्डक नहरमा खसेको थियो ।
पर्सा प्रहरीले घाइतेलाई तत्कालै उद्धार गर उपचारका लागि वीरगञ्जस्थित न्यूरो अस्पताल लगिएको थियो । उनकाे उपचारकै क्रममा राति करिब १०ः१५ बजे ज्यान गएको र पहिचान खुल्न नसकेको एसपी पाठकले बताए ।
