गाेरखा । आज तराईमा हुस्सु लागेको भने पहाडी क्षेत्रमा बादल छ । अहिले नेपालमा उपल्लो वायुमण्डलमा रहेको उच्च चापीय प्रणालीको प्रभाव रहेको जल तथा मौसम पूर्वानुमान महाशाखाले जनाएको छ ।
कोशी, बागमती र गण्डकी प्रदेशका पहाडी तथा हिमाली भागमा आंशिक बादल लागेको र ती क्षेत्रसहित बाँकी भागमा तुवाँलो पनि लागेको मौसम पूर्वानुमान महाशाखाले जनाएको छ ।
तराईका केही ठाउँमा आज दिउँसोसम्म हुस्सु कायम रहनेछ । कोशी, बागमती र गण्डकी प्रदेशका पहाडी र हिमाली भागमा आंशिक बादल लाग्नेछ र बाँकी भू-भागमा मौसम मुख्यतया सफा रहने महाशाखाले जनाएको छ ।
आज राति तराईका केही ठाउँमा तुँवालो रहनेछ । त्यस्तै कोशी र गण्डकी प्रदेशको पहाडी र हिमाली भागमा आंशिक बादल लाग्नेछ र बाँकी भू-भागमा मौसम मुख्यतया सफा रहनेछ ।
मतदानको दिन भोलि देशका धेरै ठाउँको मौसम सफा रहने महाशाखाले जनाएको छ । साथै भाेली कुनै पनि स्थानमा पानी पर्ने सम्भावना छैन ।
