गाेरखा । भोली हुने प्रतिनिधिसभा निर्वाचनकाेलागि लक्षित गर्दै काठमाडाैं उपत्यकाबाट बाहिरिने यात्रुको सङ्ख्या बढेको दिनदिनै बढेकाे छ । चुनावका दिन भोलि आ–आफ्नो गृहजिल्लामा पुगेर मतदान गर्न मतदाताले उपत्यका छाड्ने क्रम बढेको हो ।
चुनावका लागि उपत्यकाबाट बाहिरिने क्रम आज पनि जारी रहेको ट्राफिक प्रहरी नायब उपरीक्षक सुनिलजङ्ग शाहले जानकारी दिएका छन् । सार्वजनिक यातायातका साधनहरू खचाखच भरिएका छन् भने निजी गाडीमार्फत जानेहरु पनि छन् ।
अहिलेसम्म ७ लाख ५० हजारभन्दा धेरैले उपत्यका छाडिसकेको उनले जानकारी दिए । आज पनि कतिपय बाहिरीने भएकाले यो संख्या थप बढ्ने अनुमान छ ।
यातायात व्यवस्थालाई थप सुरक्षित र व्यवस्थित बनाउन ट्राफिक प्रहरीले जनशक्ति बढाएको जनाएको छ । यात्रुको सुरक्षालाई प्राथमिकतामा राख्दै राजमार्गहरूमा गस्ती बढाइएको र आवश्यकता अनुसारका क्षेत्रहरूमा विशेष निगरानी गरिएको ट्राफिक प्रहरीको भनाइ छ ।
यातायात व्यवसायीले पनि सुरक्षित र संयमित यात्रा गर्न, क्षमताभन्दा धेरै यात्रु नराख्न तथा ट्राफिक नियमको पालना गर्न आग्रह गरेका छन् ।
यता सरकारले आजैराती १२ बजेदेखी भाेली निर्वाचन सम्पन्न नहुदासम्म सवारी पास लिएका बाहेक अरु साधनलाई निषेध गरेकाे छ ।