गाेरखा । आज दिउसाे रामेछाप नगरपालिका-२ स्थित सिरुबारीमा निर्वाचन सामाग्री बोकेको गाडी दुर्घटनामा परेकाे छ ।
उक्त दुर्टनामा परी प्रहरी सहायक निरीक्षक पर्शुराम यादवको घटनास्थलमै ज्यान गएको सशस्त्र प्रहरी बलका सशस्त्र प्रहरी नायव उपरिक्षक एवं सह-प्रबक्ता शैलेन्द्र थापाले बताए ।
उनका अनुसार साेही दुर्घटनामा अन्य ७ जना घाईते भएका छन् । उक्त गाडीमा ११ जना सवार थिए । उनीहरुमध्ये ३ जना गाडीबाट हाम फालेकाे पनि उनले जानकारी दिए ।
मन्थलीबाट मतदान केन्द्र कालिका देवी माध्यमिक वद्यालय र देउराली माध्यमिक विद्यालयको निर्वाचन सामाग्रीसहित कर्मचारी लिएर जाँदै गरेको गाडी सडकबाट करीव २०० मिटर तल खसेको रामेछाप प्रहरीले जानकारी दिएकाे छ ।
सो दुर्घटना लगत्तै सशस्त्र प्रहरी बल नेपाल विपद उद्धार वेश खुर्कोटबाट सशस्त्र प्रहरी नायव निरीक्षक रमेश बहादुर थापाको कमाण्डमा गोताखोर र विपद् व्यवस्थाप तालिम प्राप्त टोली उद्धार कार्यमा खटिएको सह-प्रबक्ता थापाले बताए ।
सबैकाे उद्धार गरेर घाईतेलाई उपचारको लागि मन्थली अस्पतालतर्फ पठाईएको छ ।