एजेन्सी । बोलिभियामा सैन्य कार्गो विमान दुर्घटना हुँदा ११ जनाको ज्यान गएको छ ।
बोलिभियाको दोस्रो ठूलो सहर एल आल्टोमा भएको सैन्य कार्गो विमान दुर्घटनामा ११ जनाको ज्यान गएको हो ।
मिडिया रिपोट्र्सका अनुसार दमकल अधिकारीहरूले विमान दुर्घटनामा ११ जनाको ज्यान गएको पुष्टि गरेका छन् ।
बोलिभियाको एयर ट्राफिक कन्ट्रोल अथरिटीले शुक्रबार स्थानीय समयानुसार बेलुकी ६ : २० बजे विमान दुर्घटनामा परेको हो ।
सान्ता क्रुज सहरबाट उडान भरेको विमान एल आल्टो अन्तर्राष्ट्रिय विमानस्थलमा अवतरणका क्रममा रनवेबाट चिप्लिएको थियो ।
रनवेबाट चिप्लिएको विमान नजिकै रहेको हाइवेसम्म पुगेको र सडकमा रहेका बाहनहरूसँग ठोक्किएको बताइएको छ ।
दुर्घटना पछि विमनास्थल बन्द गरेर छानबिन सुरू गरिएको बीबीसीले जनाएको छ ।
