गाेरखा । हाल नेपालको उपल्लो वायुमण्डलमा पश्चिमी न्यूनचापीय प्रणालीको आंशिक प्रभाव छ । जसको प्रभावले हाल कोशी, बागमती र गण्डकी प्रदेशका पहाडी तथा हिमाली भू-भागमा साधरणतया बादल लागेको छ र बाँकी पहाडी तथा हिमाली भू-भागमा आंशिक बादल लागेको रहेको मौसम पूर्वानुमान महाशाखाले जनाएको छ ।
आज दिउसो तराईका केही स्थानहरूमा बिहानको समयमा हुस्सु रहनेछ । कोशी, बागमती र गण्डकी प्रदेशको हिमाली तथा पहाडी भू-भागमा साधरणतया बादल लाग्नेछ, बाँकी हिमाली तथा पहाडी भू-भागमा आंशिक बादल लाग्ने पनि महाशाखाले अनुमान गरेकाे छ ।
कोशी, बागमती र गण्डकी प्रदेशको पहाडी र हिमालीका थोरै स्थानहरूमा र बाँकी प्रदेशका पहाडी र हिमाली क्षेत्रकाे केही स्थानमा चट्याङ्गसहित हल्का वर्षा र हिमपातको सम्भावना रहेको छ ।
आज राति तराईका केही स्थानहरूमा तुवाँलो रहने छ । देशका हिमाली भू-भागमा साधरणतया बादल लाग्नेछ, पहाडी भू-भागमा आंशिक बादल लाग्नेछ र तराई भू-भागमा मौसम मुख्यतया सफा रहने महाशाखाले जनाएकाे छ ।
काेशी, गण्डकी र कर्णाली प्रदेशको हिमालीकाे केही स्थानमा चट्याङ्गसहित हल्का वर्षा र हिमपातको सम्भावना रहेको महाशाखाले जनाएको छ ।
