गाेरखा । शिवरात्रीकाे दिनमा नेपाल प्रहरीका १ जनालाइ हातपात गर्ने युवकलाई प्रहरीले नियन्त्रणमा लिन सफल भएकाे छ । प्रहरी ति यूवकलाइ राजधानीकाे स्वयम्भुबाट पक्राउ गरेकाे काठमाडौं उपत्यका प्रहरी परिसरका एसएसपी रमेश थापाले बताए ।
केही दिनयता सामाजिक सञ्जालमा एकजना युवाले वर्दीमा रहेका प्रहरीलाई हातपात गर्दै लात्तीले हानेको भिडियो भाइरल बनेको थियो ।
सार्वजनिक भिडियोबाट यो दृश्य पशुपतिनाथ मन्दिर परिसरभित्र शिवरात्रीको दिनमा भएकाे सबैले सजिलै बुझेका थिए । सुरक्षा प्रदान गरिरहेका प्रहरीमाथि जाइलाग्दै कुटपिटमा उत्रिएका युवालाई प्रहरीले त्यतिबेलै पक्राउ गर्ने प्रयास गरे पनि भीडभाडमा उनी गुमनाम हुन सफल भएका थिए ।
मंगलबार मात्रै प्रहरीले सामाजिक सञ्जालमार्फत प्रहरीमाथि जाइलाग्ने युवाको खोजीमा सूचना नै जारी गरेको थियो ।
प्रहरीका अनुसार मकवानपुर ठुलदमार स्थायी घर भई हाल काठमाडौं महानगरपालिका–१३ चागल बस्ने रिजन श्रेष्ठ भएकाे जनाएकाे छ ।