गाेरखा । पशुपतिनाथमा आज महाशिवरात्रि पर्वलाई सुरक्षित पार्न ६ हजार सुरक्षाकर्मी परिचालन गरिएकाे छ । महाशिवरात्रिको अवसरमा पशुपति मन्दिर दर्शन गर्न करिब ७ लाख दर्शनार्थी आउने आकलन पशुपति क्षेत्र विकाश कोषले गरेको छ ।
ठुलो सङ्ख्या दर्शनार्थी सहभागी हुने पशुपति क्षेत्रमा स्थानीय प्रशासनले सुरक्षा योजना बनाएर सुरक्षाकर्मी परिचालन गरेको हाे । जिल्ला सुरक्षा समितिबाट निर्णय गरेर सुरक्षा योजना लागु गरिएको जिल्ला प्रहरी परिसर काठमाडौंले जनाएकाे छ ।
पशुपति मन्दिर परिसरमा प्रहरीले कमान्ड पोस्ट समेत खडा गरेको छ । बालबालिका हराउने, चोरी, डकैती र अन्य उच्छृङ्खल गतिविधि नियन्त्रण गर्न कमान्ड पोस्टमा खडा गरिएकाे हाे । पशुपति क्षेत्रको सुरक्षामा ३ हजार ७०० प्रहरी परिचालन गर्नेगरी सुरक्षा योजना लागु गरिएको छ । निर्वाचन प्रहरीलाई पनि सुरक्षामा परिचालन गरिएको छ ।
नेपाल प्रहरी, सशस्त्र, राष्ट्रिय अनुसन्धान विभागका सुरक्षाकर्मी र महानगर प्रहरी सहित करिब ६ हजार सुरक्षाकर्मी परिचालन गरिएको परिषरले जनाएकाे छ ।
पशुपति क्षेत्र विकाश कोषले दर्शन सहज बनाउन बिहानैदेखि ४ वटै ढोका खुल्ला गरेको जनाएकाे छ ।