गाेरखा । चितवनबाट काठमाडौं छिरेका १ जना पुरुषकाे साथबाट प्रहरीले अत्याधुनिक पेस्तोल र ४ राउण्ड गोली बरामद गरेकाे छ । राजधानीकाे मुख्य प्रवेशद्वार नागढुङ्गाबाट प्रहरीले एक थान पेस्ताेल र ४ राउण्ड गाली सहित १ जनालाई नियन्त्रणमा लिएको हाे ।
चन्द्रागिरि नगरपालिका–२ स्थित नागढुङ्गा चेकपोष्टमा खटिएको प्रहरी प्रभागको टोलीले शुक्रबार बिहान गरिएको नियमित जाँचका क्रममा कीर्तिपुर नगरपालिका–२ बस्ने ३० वर्षीय केयुर पुरीलाई पक्राउ गरेको नागढुङ्गाले पु्षटी गरेकाे हाे ।
पुरी सवार बा.१९ च ६९० नम्बरको कारलाई शङ्का लागेर खानतलासी गर्दा उक्त हतियार फेला परेको प्रहरीले जनाएको छ । प्रहरीले पेस्तोल र गोलीसहित कारमा सवार पुरीलाई नियन्त्रणमा लिएर थप अनुसन्धान अघि बढाएको जनाएकाे छ ।