गाेरखा । भरतपुर महानगरपालिका–१५ मा आज बिहान भएको सडक दुर्घटनामा परी १ जनाको ज्यान गएको छ भने अर्का १ जना घाइते भएका छन् ।
ज्यान गुमाउनेमा मोटरसाइकल चालक स्याङ्जाका २६ वर्षीय सुरज थापा भएको चितवन प्रहरीले जनाएकाे छ । जिल्ला प्रहरी कार्यालयका प्रहरी नायब उपरीक्षक रवीन्द्र खनालका अनुसार टुरेचोकबाट शीतलचोकतर्फ आइरहेका मिनीट्रकले रामपुरबाट भरतपुरतर्फ गइरहेको मोटरसाइकललाई ठक्कर दिएकाे हाे ।
मोटरसाइकलमा सवार स्याङ्जाको हरिनास गाउँपालिका–४ की २२ वर्षीया निरुता थापा गम्भीर घाइते भएकी छिन् । उनको चितवन मेडिकल कलेजमा उपचार भइरहेको छ । दुर्घटनापछि फरार छन् ।
आजै गीतानगरमा भएको सडक दुर्घटनामा अर्का १ जनाको ज्यान गएको पनि प्रहरीले जानकारी दिएकाे छ । गीतानगरबाट भरतपुरतर्फ आइरहेको अटोरिक्सालाई स्कारपियोले ठक्कर दिदा अटाे रिक्सामा सवार माडी नगरपालिका–७ का ४४ वर्षीय मीनबहादुर खत्रीको चितवन मेडिकल कलेजमा उपचारकाे क्रममा ज्यान गएको हो ।