गाेरखा । कपिलवस्तुमा आज बिहान गुडिरहेको बसमा आगलागी भएको छ । हुलाकी सडक खण्डअन्तर्गत तौलिहवा–भैरहवा सडकस्थित शुद्धोदन गाउँपालिका–६ टिटिहिरियामा बिहीबार बिहान काठमाडौँबाट सुर्खेत जाँदै गरेको ना ७ ख ६०४८ नम्बरको बस आगलागी भएको कपिलबस्तु प्रहरीले पुष्टी गरेकाे हो ।
बस जलेर नष्ट भएको प्रहरीले जनाएको छ । बसमा सवार ४४ जना यात्रु भने सकुशल रहेकाे प्रहरीले जानकारी दिएकाे छ । गुडिरहेको बसको बायाँ चक्कामा अचानक आगलागी सुरु भएको थियो । यसपछि बस सडक छेउमा रोकिएर पछि यात्रु ओर्लिएका थिए ।
घटना लगत्तै प्रहरी र कपिलवस्तु नगरपालिकाबाट गएको दमकलले आगो निभाउन प्रयास गरे पनि बस आधा घण्टामै पूर्ण रूपमा जलेर नष्ट भएको थियाे ।
आगलागीको कारण भने खुल्न नसकेको प्रहरीको भनाइ छ । घटनाबारे थप अनुसन्धान भइरहेको प्रहरीले जनाएको छ ।