केही महिना अगाडी मात्र पहाड फिल्मकाेलागि गाेरखामा भएकाे सुटीङका क्रममा थापा
गाेरखा । वरिष्ठ अभिनेता सुनिल थापाकाे निधन भएकाे छ । थापाकाे थलीस्थित नर्भिक अस्पतालमा उपचारकाे क्रममा निधन भएकाे हाे ।
बिहान स्वास्थ्यमा समस्या आएपछि थापालाई थापाथलीस्थित नर्भीक अस्पताल लगिएको थियो ।
अस्पताल स्रोतका अनुसार बिहान ७ बजेर ४४ मिनेटमा ईसीजी गर्दा निधन भएको पुष्टि भएको थियो ।
६८ वर्षको उमेरमा भएको थापाको निधनले नेपाली र भारतीय चलचित्र तथा सिरिज क्षेत्रमा ठूलो क्षति पुगेको छ । उनको निधनले नेपाली फिल्मको अभिनय यात्रामा एउटा शोक र रिक्तता सिर्जना गरेको छ ।
१९ मे १९५७ मा जन्मिएका थापाले ४ दशकभन्दा बढी समयसम्म अभिनय, मोडलिङ, खेलकुद र फिल्म उद्योगका विविध पक्षमा योगदान दिएका थिए । उनको करिअर चाहिँ मोडलिङबाट सुरु भएको हो ।