गोरखा । निर्वाचन आयोगले आचारसंहिता उल्लङ्घन गर्ने थप ९ जनालाई स्पष्टीकरण सोधेको छ । गएको शनिवारसम्म २१ वटा स्पष्टीकरण सोधेको आयोगले हिजो र आज थप ९ वटा स्पष्टीकरण माग गरेको हो ।
आयोगले राष्ट्रिय स्वतन्त्र पार्टी रास्वपाबाट झापाको निर्वाचन क्षेत्र नम्बर ५ का उम्मेदवार बालेन्द्र शाहलाई दोस्रोपटक स्पष्टीकरण सोधेको छ । सादा पोसाकका प्रहरीले बालेनलाई भोट माग्दै गरेको छ भन्ने बेहोराको श्रव्यदृश्य सामग्री प्राप्त भएकाले दोस्रोपटक स्पष्टीकरण सोधिएको आयोगले जनाएको छ ।
शाहको चुनाव प्रचारप्रसारका क्रममा शाहकी श्रीमतीसँग सादा पोसाकका प्रहरी खटिएको सम्बन्धमा के कसो भएको हो ? भनी आयोगले स्पष्टीकरण सोधेको हो ।
यस्तै आयोगले बाजुरामा राष्ट्रिय स्वतन्त्र पार्टी (रास्वपा) का उम्मेदवार हेमराज थापा, सिन्धुपाल्चोकको निर्वाचन क्षेत्र नम्बर १ मा नेपाली कम्युनिष्ट पार्टीका उम्मेदवार माधव सापकोटा लगायतलाई स्पष्टीरण सोधेको आयोगले जानकारी दिएको छ ।
अहिलेसम्म सोधेका २९ स्पष्टीकरणमध्ये १४ वटाको जवाफ प्राप्त भएको आयोगले जनाएको छ ।