गोरखा । तनहुँमा आज भएको जिप दुर्घटनामा परी १ जनाको ज्यान गएको छ भने अर्का १ जना घाइते भएका छन् ।
जिल्लाको म्याग्दे गाउँपालिका–४ कोलडाँडामा भएको जीप दुर्घटनामा परी म्याग्दे गाउँपालिका–४ कोलडाँडाका १३ वर्षीया कोइस्का घर्तीको ज्यान गएको जिल्ला प्रहरी कार्यालय तनहुँ दमौलीले पुष्टी गरेको हो ।
कोलडाँडा थर्पु भित्री सडकखण्डमा कोलडाँडाबाट थर्पुतर्फ आउँदै गरेको ग ३ च ५८३८ नम्बरको जीप सडकबाट अन्दाजी २० मिटर तल खसेर दुर्घटनामा परेको जिल्ला प्रहरी कार्यालयका प्रहरी नायब उपरीक्षक श्रवणकुमार विक जानकारी दिए ।
दुर्घटनामा परी गम्भीर घाइते घर्तीलाई आज बिहान बिहान ८ः४० बजे प्रदेश अस्पताल दमौलीमा चिकित्सकले मृत घोषणा गरेका थिए ।
सोही दुर्घटनामा १५ वर्षीय दिपसन घर्ती घाइते भएका र उनको उपचार भइरहेको छ । चालक वसन्त घर्तीलाई प्रहरीले नियन्त्रणमा लिएर अनुसन्धान थालेको छ ।