गाेरखा । नेपाल आयल निगमले पेट्रोल, डिजेल र मट्टीतेलको भाउ घटाएको छ । आज बिहानैदेखि लागू हुने गरी पेट्रोलको लिटरमा ३ रुपैयाँ र डिजेल–मट्टीतेलको लिटरमा १–१ रुपैयाँ भाउ घटाइएको हो ।
अब पेट्रोलको भाउ पहिलो वर्ग अन्तर्गत चारआली, विराटनगर, जनकपुर, अमलेखगन्ज, भलबारी, नेपालगञ्ज, धनगढी र वीरगञ्ज क्षेत्रमा प्रतिलिटर १५३ रुपैयाँ ५० पैसा पर्नेछ ।
यस्तै दोस्रो वर्ग अन्तर्गत सुर्खेत र दाङ क्षेत्रमा प्रतिलिटिर १५५ रुपैयाँ तथा तेस्रो वर्ग अन्तर्गत काठमाडाैं, पोखरा र दीपायलमा प्रतिलिटर १५६ रुपैयाँ पर्नेछ ।
यस्तै डिजेल र मट्टीतेलको भाउ पहिलो वर्गका लागि प्रतिलिटर १३३ रुपैयाँ ५० पैसा, दोस्रो वर्गका लागि १३५ रुपैयाँ र तेस्रो वर्गका लागि १३६ रुपैयाँ तोकिएको छ ।