गाेरखा । गएको भदौ २३ र २४ को घटनाबारे छानबिन गर्न गठित उच्चस्तरीय जाँचबुझ आयोग संग तत्कालीन प्रधानमन्त्री केपी शर्मा ओलीले लिखित बयान दिएका छन् ।
बयानका लागि पत्र बुझाउन हिजो ओली निवास गुण्डु पुगेको आयोगको टोलीलाई ओलीले लिखित बयान दिएका हुन् ।
यसअघि ओलीले आयोगलाई नमान्ने र बयान नदिने भन्दै सार्वजनिक अभिव्यक्ति दिदै आएका थिए ।
आयोगले यसअघि तत्कालीन गृहमन्त्री रमेश लेखकसहित सुरक्षाकर्मी, तत्कालीन मुख्य सचिवसम्म, गृहसचिव र काठमाडाैंका प्रशासन प्रमुखसँग बयान लिइसकेको छ । सबैसँगको बयान सकेपछि आयोगले प्रतिवेदन लेखनको काम अघि बढाएको छ ।
नवयुवाको आन्दोलनपछि गठन भएको सरकारले असोज ५ गते पूर्वन्यायाधीश गौरीबहादुर कार्कीको नेतृत्वमा तीन सदस्यीय जाँचबुझ आयोग गठन गरेको थियो ।