गाेरखा । काठमाडाैं-हेटौँडा जोड्ने काठमाडाैं–कुलेखानी–भीमफेदी सडक खण्डअन्तर्गत भीमफेदी गाउँपालिका-६ जुरीखेतमा हिजो बेलुकी भएको सुमो गाडी दुर्घटनामा ६ जनाको ज्यान गएको छ ।
काठमाडाैंबाट हेटौँडाको लागि छुटेको ना १ ज १७७८ नम्बरको सुमो गाडी दुर्घटना हुँदा ६ जनाकाे ज्यान गएकाे मकवानपुर प्रहरीले पुष्टी गरेको हाे । उक्त सुमाेमा ९ जना सवार थिए । अन्य ३ जना घाईते भएका छन् ।
ज्यान गुमाउनेहरुको नाम, ठेगाना खुलेको छैन । घाइतेलाई उद्धार गरी उपचारका लागि हेटौँडा अस्पताल पुर्याइएको थियो । घाइते ३ जनाको भने हेटौँडा अस्पतालमा उपचार भइरहेको प्रहरीले जनाएको छ ।
प्रहरीका अनुसार गाडी सडकबाट करिब १०० मिटर तल खोल्सामा खसेको छ ।
