एजेन्सी । अमेरिकाले भेनेजुएलाविरुद्ध ठूलो आक्रमण गरेकाे छ । राष्ट्रपति डोनल्ड ट्रम्पले अमेरिकाले “भेनेजुएलाविरुद्ध ठूलो आकारमा गरेको आक्रमण”मा “त्यहाँका नेता राष्ट्रपति निकोलास मादुरो र उनकी श्रीमतीलाई पक्राउ गरेको” भनेर बीबीसीले समाचारमा लेखेकाे छ ।
मादुरो र उनकी श्रीमतीलाईलाई देशबाहिर लगिसकिएको ट्रम्पले आफ्नो सोसल मिडिया पोस्टमा लेखेका छन् ।
मदुरोलाई कसरी पक्राउ गरियो वा कहाँ लगियो भन्ने बारेमा ट्रम्पले थप विवरण दिएका छैनन् भने भेनेजुएला सरकारले अहिलेसम्म यसको पुष्टि गरेको छैन ।
बीबीसीको अमेरिकी साझेदार सीबीएस न्यूजलाई अधिकारीहरूले बताए अनुसार अमेरिकी सेनाको डेल्टा फोर्सले उनलाई पक्राउ गरेको हाे । डेल्टा फोर्स अमेरिकाको शीर्ष प्रतिआतङ्कवाद सैन्य एकाइ हो ।
यसअघि भेनेजुएलाको राजधानी कराकाससहित उक्त देशका विभिन्न भागहरूमा विस्फोटहरू भएका विवरण आएकाे पनि बीबीसीले समाचारमा लेखेकाे छ ।
अमेरिकी आक्रमण लगत्तै भेनेजुएलामा सङ्कटकालकाे घाेषणा गरिएकाे छ । भेनेजुएलाको सरकारले उक्त आक्रमण वासिङ्टनले गरेको बताउँदै “अमेरिकी आक्रामकतालाई नस्वीकार्ने” बताउँदै राष्ट्रिय सङ्कटकाल घोषणा गरेको छ ।
यसअघि राष्ट्रपति मदुरोले उक्त हमला अमेरिकाले आफ्नो देशको तेल र खनिज पदार्थ खोस्ने प्रयासको रूपमा गरेको भन्दै त्यसको निन्दा गरेका थिए ।