गाेरखा । आजदेखि १ महिने स्वस्थानी व्रत र माघ स्नान शुरू भएको छ । पौष शुक्ल पूर्णिमादेखि माघ शुक्ल पूर्णिमासम्मको १ महिना स्वस्थानी व्रत एवम् कथाबाचन गरिन्छ ।
स्कन्द पुराणको केदार खण्ड अन्तर्गत माघ माहात्म्यको कुमार अगस्त्यबीच संवाद भएको स्वस्थानी व्रत कथा सुन्ने सुनाउने परम्परा छ । साथै विभिन्न शक्तिपीठको पूजा गरिन्छ ।
१ महिनासम्म व्रत गरी माघ शुक्ल पूर्णिमाका दिन जनै, सुपारी, पान, फूल, रोटी, अक्षतालगायत चढाइ व्रतको कामना पूर्ण होस् भनी भगवतीलाई अघ्र्य दिइने चलन रहेकाे छ ।
स्वस्थानीमा वर्णन गरिएको काठमाडाैं साँखुको शालिनदीमा आजैदेखि १ महिनासम्म माधवनारायण मेला शुरू भएको छ । काठमाडाैं उपत्यकाको उत्तर पूर्वी क्षेत्रमा रहेको साँखुको शालिनदीमा अबको १ महिना मेला हेर्न तथा माघस्नान गर्न दर्शनार्थीको घुईंचो लाग्ने गदर्छ ।
