गाेरखा । रौतहटमा रहेको एक मदिरा उद्योगमा विष्फोट हुँदा १ जनाको ज्यान गएको छ । साेही घटनामा अन्य ६ जना घाइते भएकाे राैतहट प्रहरीले जानकारी दिएकाे छ ।
जिल्लाकाे कटहरीया नगरपालिका-९ मा रहेको ज्योती डिस्टीलरी उद्योगमा आज बिहान बोइलर विष्फोट भएको हो ।
विष्फोटमा परी लक्ष्मण राय यादवको घटनास्थलमै ज्यान गएको जिल्ला प्रहरी कार्यालय रौतहटका प्रहरी उपरीक्षक रविन कार्कीले जानकारी दिए । उनका अनुसार बिगन राय, बलिराम राय, रहमत मिया, कैलाश माली र प्रेमजित राय, र जगदिश राय घाइते भएका छन् ।
बिहान अचानक ठूलो आवाज सहित डिस्टीलरीको बोइलर विष्फोट भएको थियो । घटनामा गम्भीर घाइतेहरुलाई उपचारका लागि वीरगञ्ज लगिएकाे छ ।
विष्फोट के कती कारणले भएकाे भन्ने बारे प्रहरीले अनुसन्धान गरीरहेकाे जनाएकाे छ ।