साँकेतिक तस्बिर
गाेरखा । हुम्लाको खार्पुनाथ गाउँपालिका–२, थालीमा भएको आगलागीमा परी १ जना बालकको ज्यान गएको छ । आगोले १६ महिने बालक रेबेन्द्र जेठाराको ज्यान गएको हुम्ला प्रहरीले पुष्टि गरेकाे हाे ।
साेही आगलागीमा परेर आमा बर्रा जेठारा घाइते भएको पनि जिल्ला प्रहरी कार्यालय हुम्लाले जनाएको छ । घरमा हिजो बेलुका आगलागी हुँदा मानवीय तथा भौतिक क्षति भएको हो ।
खाना पकाउने क्रममा कोठाको छेउमा राखिएको पेट्रोलमा आगो सल्किएपछि आगलागी भएको प्रारम्भिक अनुमान प्रहरीले गरेकाे छ । घर पूर्ण रूपमा जलेको छ ।
स्थानीयबासीन्दाको सहयोगमा आगो निभाइएको छ । घाइते बर्रा जेठाराको जिल्ला अस्पताल सिमकोट उपचार भैरहेको छ । उनको अवस्था सामान्य रहेको प्रहरीको भनाइ छ ।