गाेरखा । प्रहरीले कमलामाई नगरपालिका–४ धुराफाँटकी ३२ वर्षीया सुशीला बम्जनको हत्या आराेपमा सासु र नन्द पक्राउ गरेकाे छ ।
जिल्ला प्रहरी कार्यालयले आज एक विज्ञप्ति जारी गर्दै बम्जनको हत्या पेट्रोल छर्केर आगो लगाइ भएकाे जनाएकाे छ ।
हत्या आराेपमा प्रहरीले ५९ वर्षीया सासु मायारानी बम्जन र ३५ वर्षीया नन्द मीना लामालाई पक्राउ गरिएको समेत जनाएकाे छ ।
गएकाे आइतबार बुहारी सुशीलाको शरीरमा पेट्रोल छर्केर आगो लगाएर हत्या गरेकाे सिन्धुली प्रहरीले जनाएकाे हाे । मृतकका श्रीमान् विगत २ वर्षदेखि वैदेशि रोजगारीका सिलशिलामा बिदेशमा छन् ।
घटनास्थलबाट जलेको शव प्रहरीले बरामद गरेको थियाे भने मृतकका ससुरा दुर्गामान घाइते भएका थिए ।
घाईते दुर्गामानलाई उपचारार्थ काठमाडौँ पठाइएको छ । अभियुक्तलाई जिल्ला अदालतबाट म्याद गरे अनुसन्धान सुरु गरेकाे प्रहरीले जनाएकाे छ ।
