गाेरखा । मकवानपुरको अधेरीमा ट्याक्टर दुरघटना हुँदा ३ जनाको ज्यान भएको छ भने अन्य १९ जना घाइते भएका छन् । बकैया गाउँपालिका-७ अधेरीमा लु ५ त १७४ नम्बरको ट्याक्टर दुर्घटना भएको हो ।
दुर्घटनामा परी बकैया गाउँपालिका-७ अधेरीका केशव माझी, युवराज माझी र सन्तलाल माझीको ज्यान गएको मकवानपुर प्रहरीले जानकारी दिएकाे हो ।
दुर्घटनामा गंभिर घाईते भएका उनीहरूलाई उपचारका लागि हेटौंडा अस्पताल लगिए पनि चिकित्सकले मृत घोषणा गरेका थिए ।
अन्य घाइतेहरूको हेटौंडा अस्पताल र चुरे हिल अस्पतालमा उपचार भइरहेको प्रहरीले जनाएको छ ।
प्रहरीका अनुसार दुघर्टनमा परेका व्यक्तिहरू काठमाडौं–तराई–मधेश द्रुतमार्ग (फास्ट ट्र्याक) मा काम गर्ने कामदारहरू हुन् । उनीहरू काम गरेर खाना खान ट्याक्टर चढेर आउने क्रममा दुर्घटनामा परेका थिए ।