साँकेतिक तस्बिर
गाेरखा । चितवनकाे पर्यटकीय नगरी सौराहामा घुम्न गएकी १ जना किशोरीको होटलको चौथो तलाको झ्यालबाट खसेर मृत्यु भएको छ ।
मृत्यु हुनेमा सिन्धुलीको कमलामाई नगरपालिका–६ बस्ने १८ वर्षीया स्नेहा पाख्रिन भएकाे चितवन प्रहरीले पुष्टी गरेकाे हाे ।
सिद्धबाबा प्लस टु म्यानेजमेन्ट गुरुकुलमा अध्ययनरत ती किशोरी विद्यालयको शैक्षिक भ्रमणमा गएकी थिइन् ।
चितवन प्रहरीका अनुसार सौराहास्थित पार्क साइड होटलको चौथो तलाको झ्यालबाट गएराति ११ बजेतिर खसेकी थिइन् । उनलाई उपचारका लागि रत्ननगर बकुहलर अस्पताल लगिएकोमा चिकित्सकले ११:४५ बजे मृत घोषणा गरेकाे थियाे ।
शवलाई पोष्टमार्टमका लागि भरतपुर सरकारी अस्पताल पठाइएको प्रहरीले जनाएको छ । घटनाबारे थप अनुसन्धान भइरहेको प्रहरीले जनाएको छ ।
