साँकेतिक तस्बिर
गाेरखा । जनकपुरमा १ जना महिलाको शंकास्पद मृत्यु भएको भन्दै प्रहरीले उनकै श्रीमानलाई नियन्त्रणमा लिएकाे छ । उक्त घटनामा मृतकका श्रीमान जनकपुरधाम उपमहानगरपालिका–४ कटैयाचौरीस्थित घरबाट प्रहरीले मृत्तकका श्रीमान प्रशान्त मिश्रलाई नियन्त्रणमा लिएकाे हाे ।
जनकपुरधाम उपमहानगरपालिका–४ कटैयाचौरीस्थित घरमा २७ वर्षीया रोशनी झाको गत बिहीबार राति मृत शरिर फेला परेकाे थियाे ।
घरका सदस्यहरुले नै रोशनीले पासो लगाएर हत्या गरेको माइती पक्षले आराेप लगाएकाे छ । मृत्तक रोशनीको माइती घर धनुषाको नगराइन नगरपालिका २ जटही हो ।
उनको ४ वर्ष अघि सामाजिक परम्परा अनुसार प्रशान्त मिश्रसँगको बिहे भएको थियो । रोशनीका पति प्रशान्त मधेश प्रदेशको नीति तथा योजना आयोगका कर्मचारी हुन् ।
माइती पक्षले हत्या भएको दाबी गर्दै जिल्ला प्रहरी कार्यालय धनुषामा रोशनीका पति प्रशान्त मिश्र र ससुरा रुद्रनारायण मिश्रविरुद्ध उजुरी दिएका थिए । उजुरीपछि प्रहरीले उनीहरुलाई आइतबार नियन्त्रणमा लिएको छ ।