गाेरखा । नेपाल आयल निगमले डिजेल र मट्टीतेलको भाउ घटाएको छ । निगम सञ्चालक समितिको बैठकले गएरातिदेखि लागू हुनेगरी डिजेल र मट्टीतेलमा प्रतिलिटर १ रुपैयाँले घटाएको हो ।
अब चारआली, विराटनगर, जनकपुर, अमलेखगन्ज, भलबारी, नेपालगन्ज, धनगढी र वीरगञ्ज क्षेत्रमा डिजेल र मट्टीतेलको प्रतिलिटर १४३ रुपैयाँ ५० पैसा पर्नेछ । यस्तै सुर्खेत र दाङ क्षेत्रमा डिजेल र मट्टीतेलको भाउ लिटरको १४५ रुपैयाँ तथा काठमाण्डौ, पोखरा र दिपायल क्षेत्रमा १४६ रुपैयाँ पर्ने निगमले जनाएको छ ।
निगमले हवाई इन्धनको मूल्य भने बढाएको छ । निगमका अनुसार आन्तरिकतर्फ हवाई इन्धनको मूल्य प्रतिलिटर ६ र अन्तर्राष्ट्रियतर्फ प्रतिकिलोलिटर ४२ अमेरिकी डलर बढाइएको छ ।
अब आन्तरिकतर्फ हवाई इन्धनको मूल्य प्रतिलिटर १३४ रुपैयाँ र अन्तर्राष्ट्रियतर्फ प्रतिकिलोलिटर १ हजार १५ अमेरिकी डलर पुगेको छ ।
निगमले पेट्रोल र खाना पकाउने ग्यासको भाउ भने यथावत राखेकाे छ ।