गाेरखा । नेकपा एमालेका पोलिट्ब्युरो सदस्य महेश बस्नेतविरुद्ध कैलालीको धनगढीमा विरोध प्रदर्शन भएको छ ।
जेनजी युवाहरूले बुधबार बिहान धनगढी बजारमा प्लाकार्ड लिएर विरोध प्रदर्शन गरेका हुन् ।
२३ र २४ को जेनजी आन्दोलनले एमाले नेतृत्वको सरकार विस्थापित गरेयता बस्नेत जेनजी युवा प्रति आक्रामक देखिएका छन् । साथै, जेनजी युवाले पनि बस्नेतको विरोधमा निरन्तर प्रदर्शनहरू गरिरहेका छन् ।
गत ४ मंसिरमा बाराको परवानीपुरमा हुने कार्यक्रममा जान लाग्दा जेनजी युवाले प्रदर्शन गरेका थिए । जसका कारण २ दिनसम्म बाराको सिमरा अशान्त बनेको थियो ।
७ मंसिरमा इटहरीमा आयोजित कार्यक्रममा सहभागी हुन जाँदै गर्दा बस्नेत चढेको गाडीमा २ जेनजी युवाले रातो रङ भरिएको बेलुन प्रहार गरेका थिए ।
हिजाे मंगलबार सुर्खेतमा पनि जेनजीहरुले बस्नेत सहभागी कार्यक्रमलाई लक्षित गर्दै विरोध प्रदर्शन गरेका थिए ।
