गाेरखा । अबदेखी डाइभर्ट गर्नुपर्ने अवस्थामा नेपाल वायुसेवा निगमका जहाज गौतमबुद्ध अन्तर्राष्ट्रिय विमानस्थलको प्रयोग गरिने भएको छ ।
नेपाल एयरलाइन्सले आफ्नो जहाज डाइभर्ट हुनुपर्ने अवस्थामा अबदेखि भारतको विमानस्थलका सट्टा गौतमबुद्ध अन्तर्राष्ट्रिय विमानस्थलको प्रयोग गर्न लागेको हो ।
निगमले आजैदेखी लागू हुने गरी भैरहवालाई वैकल्पिक विमानस्थलका रूपमा प्रयोग गर्ने निर्णय गरेको छ ।
त्रिभुवन अन्तर्राष्ट्रिय विमानस्थल (टीआईए)मा मौसम, भीडभाड वा अन्य कारणले अवतरण असम्भव हुने घटनामा जहाज भारततर्फ डाइभर्ट हुँदै आएकोमा अब भैरहवा प्रयोग गर्दा उल्लेखनीय खर्च कटौती, उडान समय बचत र थप सञ्चालनगत सहजता मिल्ने निगमको विश्वास छ ।
निगमका प्रवक्ता अनिल घिमिरेका अनुसार, भैरहवाका अतिरिक्त पोखरा अन्तर्राष्ट्रिय विमानस्थललाई पनि सम्भावित ‘अल्टरनेटिव एयरपोर्ट’ का रूपमा अध्ययन गर्ने प्रक्रिया थालिने निगमले जनँएको छ ।