गाेरखा । आँबुखैरेनी-पोखरा सडक आजदेखि दैनिक ४ घण्टा बन्द हुने भएको छ । पश्चिम खण्डकाे सडक स्तरोन्नति गर्न लागिएको भन्दै बिहान र दिउसाे गरी ४ घण्टा बन्द गर्न लागेकाे हाे ।
आजदेखि १० दिनसम्म बिहान ६ बजेदेखि ८ बजेसम्म र मध्याह्न १२ बजेदेखि २ बजेसम्म सडक बन्द गरेर निर्माणको काम गर्न लागिएको योजना प्रमुख कृष्णबहादुर कुँवरले जानकारी दिए ।
उनका अनुसार तनहुँको जामुने बजारदेखि पोखराको सेती नदी पुलसम्मको सडकमा स्तरोन्नतिको काम भइरहेको छ । पोखराको विजयपुर पुलको ‘अपस्ट्रिम साइड’ मा २ लेनको ‘प्रिकास्ट’ र ‘प्रिस्ट्रेस’ प्रविधिको पुल निर्माणको लागि काम भइरहेको सवारी साधन राेकेर काम गर्न लागेकाे कुँवरले बताए ।
उक्त सडक खण्ड बन्द हुँदा अर्घौचोक वा बुढी बजार चोकबाट बेल चौतारा हुँदै चाउथे भएर आवतजावत वा पावर हाउस चोकदेखि बौमारा हुँदै बिरौटा निस्किएर पोखरा आवतजावत गर्न पनि आयोजनाले जनाएको छ ।