गाेरखा । नेपाल आयल नियमले आज बिहानैदेखी लागु हुने गरी पेट्रोलियम पदार्थको भाउ बढाएको छ । निगमले पेट्रोलमा प्रतिलिटर २ र डिजेल/मट्टीतेलमा ३ रुपैयाँका दरले भाउ बढाएको हो ।
भारतीय आयल निगमबाट पेट्रोलमा प्रतिलिटर २ रुपैयाँ ४५ पैसा र डिजेलमा ६ रुपैयाँ ५३ पैसा बढेको मूल्यसूची आएको निगमले जनाएको छ । तर, उपभोक्ताको हितलाई मध्यनजर गरी पेट्रोलमा २ र डिजेलमा ३ रुपैयाँ मात्रै वृद्धि गरिएको निगमले निकालेको विज्ञप्तिमा उल्लेख छ ।
भाउ बढेसँगै अब पहिलो वर्ग चारआली, विराटनगर, जनकपुर, अमलेखगञ्ज, भलवारी, नेपालगन्ज, धनगढी र वीरगन्जमा पेट्रोल प्रतिलिटर १५८ रुपैयाँ ५० पैसा तथा डिजेल/मट्टीतेल प्रतिलिटर १४४ रुपैयाँ ५० पैसा, दोस्रो वर्ग सुर्खेत र दाङमा पेट्रोल प्रतिलिटर १६० रुपैयाँ तथा डिजेल/मट्टीतेल प्रतिलिटर १४६ रुपैयाँ तथा तेस्रो वर्ग अन्तर्गत काठमाडाैं, पोखरा र दिपायलमा पेट्रोल प्रतिलिटर १६१ रुपैयाँ तथा डिजेल/मट्टीतेल प्रतिलिटर १४७ रुपैयाँ पर्नेछ ।
निगमले खाना पकाउने ग्यासको भाउ यथावत् राखेको छ ।